نفسك تصلي الفجر

نفسك تصلي الفجر  ومش عارف
مبدئيا لازم تعرف حاجة
تغيير العادات بالتعود وان الفطرة دائما لصالح العبادات فاذا تعارضت العادات مع العبادات فاعلم ان الخطا يكمن في عاداتك وليس في ثقل العبادات
يعني ربنا خلقنا نعبده ودي فطرة طب صلاة الفجر تقيله وصعبه اذن فتش في عاداتك ولا تشك في ثقل العبادة
فطرة ← عبادة ← تعديل عاداتك ← سهولة تادية العبادات
فطرة← صلاة فجر ← نوم بدري ← سهولة استيقاظ لصلاة الفجر
فطرة ← صيام ←الاقلاع عن التدخين ← سهولة اداء فريضة الصيام
البحث عن الخطا في العادة التي غيرت الفطرة فجعلت العبادة ثقل
اولا :- السهر ( كارثة الكوارث) اكبر عدو لصلاة الفجر
ثانيا :- انشغال القلب بالدنيا
ثالثا:- الغفلة عن الاخرة
تجد شخص طيب يواظب علي الصلاة ولكن يشكو من عدم استطاعته القيام لصلاة الفجر وهولا يعلم ان السبب هو السهر يقلك متعود وبخلص حاجات وبسهر مع الاولاد طب ايه المانع تصحي بدري وتصحي لاولاد تقعد معاهم بردو وتنيمهم بدري وتعلمهم ليه بنام بدري ؟ علشان صلاة الفجر اجابة واضحة مع شرح مزايا وروعة صلاة الفجر واستغلال تعلقهم بيك في انهم يداوموا علي النوم بدري من اجل ان يتمتعوا بصحبتك في صلاة الفجر عند الاستيقاظ مبكرا
تجربة صلاة الفجر تجربة رائعة
في سؤال وخوف ورعب من الاستيقاظ للفجر
مبعرفش انام تاني وحروح الشغل مقريف وتعبان وجعان نوم ؟
وعد مني اذا نمت بدري حتتعب لمدة اسبوع وبعد كدة حترجع تنام وحتصحي الساعة مثلا ٧ صباحا فايق وذهنك صافي ومش حتحس بتعب في الشغل بالعكس حتحس براحة
في سؤال لازم تساله لنفسك انا بسهر ليه وهل ممكن اللي اعمله بالليل استبدل عمله. بالنهار هل الصلاة اهم ولا اصحابي والافلام والمسلسلات هل مثلا عفوا يعني  علشان الناس كلها بتسرق لازم اسرق زيهم مثلا  هل علشان الناس كلها بتسهر لازم اسهر زيهم ليه متكنش انت بداية الفكرة لكل من تهتم بشانهم انك تخلي يومهم يبدا من صلاة الفجر بدل ما يبدا مع صلاة الظهر ويضيع عليهم الفجر بروعته وحسناته